Stange kommune planlegg å la ein privat tysk aktør bygge krematorium med kapasitet til å dekke behovet til heile Innlandet, i området rundt Ottestad kirke. Dette skal skje på dyrka mark, midt i eit av våre viktigaste jordbruksområde.
Jorda ligg i kulturlandskapet i Stange Vestbygd og Miljødirektoratet kallar landskapet "svært verdifullt" med "verdifullt biologisk mangfald".
9 av dei 10 kommunane som bygde ned mest jord mellom 2007 og 2013 ligg i følge NIBIO, i dei beste jordbruksområda. Små jorder er særleg utsette for nedbygging – eit paradoks sidan 20 prosent av kornet i Noreg kjem frå slike små jorde.
Over 9 000 trua artar er knytt til kulturmark. Når eit jorde byggjast ned, forsvinn ofte viktige levestadar som skogbryn, bekkar og åkerholmar. I tillegg kan dyrs vandringsvegar bli avskorne.