Vi ynskjer å behalde ungdomssteget på Viksdalen!
Viksdalen skule har elevar som trives og lærer, fornøgde foreldre og godt kvalifiserte lærarar. Skulen oppnår gode resultat og er i god stand. I seinare år har vi sett ei positiv utvikling der tilflyttarar utgjer omlag halvparten av elevgrunnlaget for skulen.
Likevel føreslår administrasjonen i Sunnfjord kommune å legge ned Viksdalen ungdomsskule, og sende elevane til Sande.
For mange elevar vil dette bety ein reiseveg på over ein time kvar veg. Reisevegen vil dessutan gå gjennom svært rasfarlege parti. Bygda har stått samla mot å utsette ungdomane våre for denne reisevegen i fleire tiår, og vi er førebudd på å gjere det igjen.
Vi oppmodar alle som er samde i at Viksdalen ungdomsskule fortener å oppretthaldast om å signere oppropet med fullt namn og e-post.
- Viksdalen FAU og Viksdalen Bygdelag
