Fjell kommune ønskjer å anleggja pendlarparkering på skuleplassen til gamle Fjell skule. Dette forslaget ønskjer vi i Fjell grendalag å imøtegå. Argumenta knytt til miljøet i saka syns kun å dreie seg om køen innover til byen. Miljøet i Fjell sentrum ifht forureining og trafikksikkerheitstiltak vil forverrast med fleire bilar som skal ut og inn på FV 555. Det skal ikkje vera slik at Fjell sentrum skal ta støyten for dårleg planlegging frå kommunen si side. Viser og til den offentlege parkeringa ved Fjell Festning kor forsøpling allereie er eit stort problem, vi fryktar at dette vil skje også på skuleplassen. Det ligg og ein del private parkeringsplassar på området som vil bidra til at Fjell sentrum ender opp som ein einaste stor parkeringsplass. Det ligg allereie ein offentleg parkeringsplass nede på myra som nesten ikkje er i bruk, vi ønskjer heller å foreslå denne som pendlarparkering om det absolutt må plasserast i fjell sentrum. Skuleplassen er og har alltid vore eit naturleg samlingspunkt for Fjell-folket, og blir i dag mykje brukt av barn og unge. La samlingsplassen vår, som i høy grad bidrar til godt oppvekstmiljø og samhold i bygda, få bli.
Signer og ver med på å gjera Fjell levande igjen. Vi er meir enn en plass folk køyrer forbi
