Hulen opna i 1969 og har sidan då vore ein utestad og konsertscene som utelukkande har vore drive på frivillig basis av studentar i Bergen. Sidan opninga har den vore ein naturleg samlingsstad for musikkinteresserte – både studentar og den øvrige folkesetnaden i Bergen.
Tilbodet har vore breitt i sjanger, inneheldt både artistar av internasjonalt kaliber og mindre kjende namn med stort potensiale.
Slik har Hulen vore viktig for at norske band har fått eit bredt publikum i landets nest største by. Kort fortald har Hulen vore – og er – ein sentral del av kulturlivet i Bergen, som byen difor ikkje har råd til å mista.
Trass i dette, set konflikten mellom Høgre-byrådet og Sivilforsvaret spørjeteikn ved framtida til utestaden. Konflikten er på mange måtar parodisk – på den eine sida er det snakk om små summar frå byrådet, og på den andre sida er det lokalar Sivilforsvaret ikkje nyttar eller har planar om å nytta.
Vi krev difor at Byrådet finn dei naudsynte midlane for at Hulen får leva vidare!