Fjord1 Fylkesbaatane har fjerna det 150 år gamle flagget til Fylkesbaatane frå fartøya sine. Det skjedde laurdag 10. oktober. Johs B. Thue tek kraftig til motmæle i Sogn Avis 05.11. Han vil ha flagget tilbake, og han seier kvifor.
Fylkesbaatane sitt flagg er noko mykje meir enn andre reiarlagsflagg. Gjennom 150 år har Fylkesbaatane vore eit fylkestiltak. Det er folket i Sogn og Fjordane sitt flagg. Alle er medeigarar. Johs B. Thue vil vita kven som representerte han då den nye flaggpolitikken blei fastlagd, og han oppfordrar fylkespolitikaren Heidi Katrin Osland om å ta tak i saka.
"Fylkesbaatane er tradisjon, identitet og fylkeslim. Med eige flagg. Vårt flagg", slår Johs B. Thue fast til slutt. Han vil ha flagget til Fylkesbaatane tilbake. Det vil me og!
Tekst: Hermund Kleppa.