I 2023 skal Kvinneklinikken i Bergen omorganiserast og flyttast. Per i dag veit ein at føden skal ligge under Barne- og ungdomssjukehuset. Det finst framleis ingen plan for kor resten av behandlingstilboda som i dag finst ved Kvinneklinikken skal vera.
Kvinner er ikkje fødemaskiner eller eit middel for barnet. Kvinner er eit mål i seg sjølv og kvinnehelse knytt til reproduksjon og fødsel starter ikkje og slutter ikkje med svangerskapet og fødselen. Vi vil ha eit fortsatt heilheitleg tilbod for kvinner i Helse Bergen og ein klinikk med namnet kvinne på.
I 2023 er det planlagt at 40% av barselkvinnene skal reisa heim etter 6-8 timar. Regional perinatalkomite i Helse Sør-Øst har sendt bekymringsmelding grunna ein auka forekomst av «uheldige hendelser» som kan skuldast redusert liggetid.
https://www.dagsavisen.no/innenriks/en-katastrofe-for-mor-og-barn-1.1103915
Helse Bergen har brukarmedverknad som eit satsingsområde. No krev vi at Helse Bergen tar det på alvor og opprettar eit brukarråd for Kvinneklinikken der ein inviterer brukerorganisasjonar og kvinneorganisasjonar inn i planlegginga av den framtidige Kvinneklinikken og svangerskapsomsorgen i Helse Bergen.
24.02.2018
Denne underskriftskampanjen er laget på vegne av 8.mars-initiativet i Bergen 2018.